JoomlaLock.com All4Share.net

Background Video

Super User

Super User

Email: இம்மின்-அஞ்சல் முகவரி spambots இடமிருந்து பாதுகாக்கப்படுகிறது. இதைப் பார்ப்பதற்குத் தாங்கள் JavaScript-ஐ இயலுமைப்படுத்த வேண்டும்.
ஞாயிற்றுக்கிழமை, 12 மே 2019 00:00

இந்தியாவில் நுழைகிறது ஐ.எஸ் அமைப்பு

இந்தியாவில், இஸ்லாமிக் ஸ்டேட் (ஐ.எஸ்.,) எனப்படும் பயங்கரவாத அமைப்பினர் புதிய கிளை துவங்கியிருப்பதாக அறிவித்துள்ளனர். இது இந்திய பாதுகாப்பிற்கு மிகப்பெரிய அச்சுறுத்தலாக கருதப்படுகிறது.

ஐ.எஸ்., அமைப்பு உலகெங்கும் பயங்கரவாத செயல்களை அரங்கேற்றி வருகிறது. மத்திய கிழக்கு நாடுகளில் தொடர்ந்து அதிபயங்கரவாத செய்களில் ஈடுபட்டு வருகிறது. சமீபத்திய இலங்கை குண்டுவெடிப்பையும் அரங்கேற்றியது இந்த அமைப்பு தான். உலகின் பல நாடுகளும், ஐ.எஸ்., அமைப்பின் பயங்கரவாத செயல்களை கட்டுப்படுத்த திணறி வருகின்றன.

இந்த நிலையில், காஷ்மீரில் சமீபத்தில் நடந்த அம்ஷிபோரா தாக்குதலுக்கு ஐ.எஸ்.அமைப்பு பொறுப்பேற்றுள்ளது. மேலும், நேற்று (மே.11) ஐ.எஸ்.அமைப்பின் செய்தி நிறுவனமான 'அமக்' நியூஸ் ஏஜென்சி வெளியிட்டுள்ள செய்தியில் இந்த அறிவிப்பு வெளியிடப்பட்டுள்ளது.

தெற்கு காஷ்மீர், சோபியான் மாவட்டத்தில் உள்ளது அம்ஷிபோரா கிராமம். இங்கு சமீபத்தில் பயங்கரவாதிகளுடன் இந்திய ராணுவம் சண்டையிட்டது. இதில், அந்த பயங்கரவாதிகள் பெரிதும் இயந்திர துப்பாக்கிகளையே இந்த சண்டையில் பயன்படுத்தியுள்ளனர்.

முதன் முதலில், 2017 ம் ஆண்டில் தான், காஷ்மீர் பயங்கரவாதிகளுக்கு பின்னால், ஐ.எஸ்.அமைப்பின் உதவி இருப்பதாக முதன் முதலில் சந்தேகம் எழுந்தது. அதன் பின் இப்போதைய தாக்குதலும், சர்வதேச செய்தி நிறுவனங்கள் மற்றும் உளவு அமைப்புகளின் சந்தேகமும் காஷ்மீரில் ஐ.எஸ்., ஊடுருவல் குறித்த அபாயத்தை உணர்த்துகின்றன.

ஆனால், காஷ்மீர் மாநிலத்தின் போலீஸ் உயரதிகாரி ஒருவர் கூறுகையில், '' இப்போதும் எங்களால், ஐ.எஸ்., அமைப்பின் கிளை இருக்குமா என்பதை உறுதியாக நம்ப முடியவில்லை. எனினும், இந்திய ராணுவமும், பாதுகாப்பு படைகளும் எத்தகைய பயங்கரவாதிகளையும் சந்திக்கும் ஆற்றலைக் கொண்டுள்ளோம்,'' என்றார்.

 

 

 

 வரும் 21ம் தேதி டில்லியில் நடக்கும் எதிர்க்கட்சிகள் கூட்டத்தில் மேற்கு வங்க முதல்வர் மம்தா பானர்ஜி, பகுஜன் சமாஜ் கட்சி தலைவர் மாயாவதி ஆகியோர் கலந்து கொள்ள மறுத்துவிட்டதாக தகவல் வெளியாகியுள்ளது.

லோக்சபா தேர்தல் இறுதிக்கட்டத்தை எட்டியுள்ளது. ஆறாவது கட்ட தேர்தல் இன்று(மே 12) நடந்த நிலையில், இறுதி கட்டமாக வரும் 19ம் தேதி தேர்தல் நடக்க உள்ளது. பின்னர் 23ம் தேதி ஓட்டு எண்ணிக்கை நடக்க உள்ளது. இந்நிலையில், டில்லியில், ஓட்டு எண்ணிக்கை நடக்கும் இரண்டு தினங்கள் முன், அதாவது 21ம் தேதி, காங்கிரஸ், தேசியவாத காங்கிரஸ், திரிணமுல் காங்கிரஸ் உள்ளிட்ட 21 கட்சிகளின் தலைவர்கள் சந்தித்து ஆலோசனை முக்கிய முடிவு எடுக்க திட்டமிடப்பட்டது. இதற்கான ஏற்பாட்டை ஆந்திர முதல்வரும், தெலுங்கு தேசம் கட்சி தலைவருமான சந்திரபாபு நாயுடு ஏற்பாடுகளை செய்து வந்தார்.

இந்நிலையில், இந்த கூட்டம் தொடர்பாக ஆங்கில மீடியாவில் வெளியான செய்தி: கடந்த வாரம், இந்த கூட்டம் தொடர்பாக சந்திரபாபு, கோல்கட்டா சென்று திரிணமுல் காங்கிரஸ் தலைவர் மம்தா பானர்ஜியை சந்தித்து பேசினார். அப்போது, தேர்தலுக்கு முன் எந்த கூட்டமும் தேவையில்லை மம்தா கூறிவிட்டார். இது போன்ற பதிலைதான் பகுஜன் சமாஜ் தலைவர் மாயாவதியும் கூறியுள்ளார்.

தேர்தல் முடிவு எதிர்க்கட்சிகளுக்கு சாதகமாக வந்தால், பிரதமர் பதவி யாருக்கு என்பதில் தெளிவான முடிவு கிடைக்காததே காரணம். பிரதமர் பதவி குறித்து எதிர்க்கட்சி தலைவர்கள் பதிலளிக்க மறுத்து வந்தாலும், மம்தா பானர்ஜி, மாயாவதிக்கும் பிரதமர் பதவி மீது ஒரு கண் உள்ளது. காங்கிரஸ் தலைவர் ராகுல் பெயரை, திமுக தலைவர் ஸ்டாலின் உள்ளிட்ட பல தலைவர்கள் வழிமொழிந்துள்ளனர். மாயாவதியும், மம்தா பானர்ஜியும், தேசிய அளவில், காங்கிரசுடன் நல்ல உறவில் இருந்தாலும், மாநிலத்தில் அக்கட்சியுடன் கூட்டணி அமைக்க மறுத்து விட்டனர். 

மாயாவதி, உ.பி.,யில் காங்கிரசுடன் கூட்டணி அமைக்க மறுத்ததுடன், ம.பி.,யில் கமல்நாத் தலைமையிலான கமல்நாத் அரசுக்கு அளிக்கும் ஆதரவை திரும்ப பெற போவதாக கடந்த சில மாதங்களாக மிரட்டல் விடுத்து வருகிறார். நேற்று(மே 11) கூட ராஜஸ்தான் மாநிலம் ஆல்வாரில் நடந்த பலாத்காரம் சம்பவம் தொடர்பாக ராஜஸ்தான் மாநில காங்கிரஸ் அரசு, போலீசார், மாநில நிர்வாகம் மீது சுப்ரீம் கோர்ட் கடுமையான நடவடிக்கை எடுக்க வேண்டும் என கோரிக்கை விடுத்தார். பிரதமர் பதவி மீது உள்ள ஆசை குறித்து வெளிப்படையாகவே தெரிவித்துள்ளார்.

கடந்த 30 ஆண்டுகளாக அரசியலில் இருக்கும் மேற்கு வங்க முதல்வர் மம்தா பானர்ஜி, பிரதமர் பதவி மீது குறித்து வெளிப்படையாக கருத்து தெரிவிக்கவில்லை. ஆனால், அக்கட்சி தலைவர்கள் பிரதமர் பதவிக்கு மம்தா தகுதியானவர் எனக்கூறி வருகின்றனர். 

இந்திய பாராளுமன்றத்துக்கு 7 கட்ட தேர்தல் அறிவிக்கப்பட்டு, 5 கட்ட தேர்தல்கள் நடந்து முடிந்து விட்டன. இன்று 6-வது கட்ட தேர்தல், 7 மாநிலங்களில் உள்ள 59 தொகுதிகளில் நடக்கிறது. இந்த தேர்தலில் 10 கோடியே 17 லட்சத்து 82 ஆயிரத்து 472 வாக்காளர்கள் ஓட்டுரிமை பெற்றுள்ளனர்.

களத்தில் உள்ள 979 வேட்பாளர்களின் அரசியல் தலைவிதியை இவர்கள் நிர்ணயிப்பதற்காக 1 லட்சத்து 13 ஆயிரத்து 167 வாக்குச்சாவடிகள் அமைக்கப்பட்டுள்ளன.

இந்த வாக்குச்சாவடிகளுக்கு மின்னணு வாக்குப்பதிவு எந்திரங்கள், ‘விவிபாட்’ கருவிகள், அழியாத மை உள்ளிட்டவை போய்ச்சேர்ந்து விட்டன. வாக்குப்பதிவு அதிகாரிகளும், ஊழியர்களும் நேற்று இரவே தங்களுக்கு ஒதுக்கப்பட்டுள்ள வாக்குச்சாவடிகளுக்கு போய் சேர்ந்துள்ளனர்.

இந்த தேர்தல் தற்போது மத்தியில் ஆளுகிற பாரதீய ஜனதா கட்சிக்கு முக்கியமானதாகும். ஏனெனில் இன்று ஓட்டுப்பதிவு நடக்கிற 59 தொகுதிகளில் பாரதீய ஜனதா கட்சி 45 இடங்களையும், அதன் கூட்டணி கட்சிகளான அப்னா தளம், லோக்ஜனசக்தி ஆகியவை தலா ஒரு இடத்தையும் கைப்பற்றின என்பது குறிப்பிடத்தக்கது.

காங்கிரஸ் கட்சி 2 இடங்களையும், சமாஜ்வாடி கட்சி, இந்திய தேசிய லோக்தளம் ஆகியவை தலா ஒரு இடத்தையும், திரிணாமுல் காங்கிரஸ் 8 இடங்களையும் கைப்பற்றி இருந்தன.

இன்றைய தேர்தலில் பாரதீய ஜனதா கட்சிக்கு உத்தரபிரதேசம், மத்தியபிரதேசம் ஆகிய 2 மாநிலங்களும் சவாலாக அமைந்துள்ளன.

உத்தரபிரதேசத்தில் கடந்த தேர்தலைப் போல இல்லாமல், இந்த தேர்தலில் பாரதீய ஜனதா கட்சிக்கு எதிராக சமாஜ்வாடி கட்சியும், பகுஜன் சமாஜ் கட்சியும் கூட்டணி அமைத்து போட்டியிடுகின்றன. மத்திய பிரதேசத்தில் ஆட்சி மாற்றம் ஏற்பட்டு காங்கிரஸ் கட்சி அதிகாரத்துக்கு வந்திருக்கிறது.

இன்று ஓட்டுப்பதிவு நடக்கிற தொகுதிகளில் முக்கிய தலைவர்கள் பலம் களம் காணுகின்றனர். பாரதீய ஜனதா கட்சி சார்பில் மத்திய மந்திரிகள் 6 பேர் இன்று தேர்தலை சந்திக்கின்றனர். அவர்கள் மேனகா காந்தி (உ.பி.- சுல்தான்பூர்), ஹர்சவர்த்தன் (டெல்லி- சாந்தினிசவுக்), ராதாமோகன் சிங் (பீகார்- பூர்வி சம்பரன்), நரேந்திரசிங் தோமர் (ம.பி.- மொரினா), கிருஷன்பால் குர்ஜார் (அரியானா- பரிதாபாத்), ராவ் இந்தர்ஜித் சிங் (அரியானா- குருகிராம்) ஆவர்.

உத்தரபிரதேச மாநில முன்னாள் முதல்-மந்திரியும், சமாஜ்வாடி கட்சித்தலைவருமான அகிலேஷ் யாதவ் (அசம்கார்), காங்கிரஸ் மூத்த தலைவர்கள் திக்விஜய்சிங் (ம.பி. போபால்), ஜோதிர் ஆதித்ய சிந்தியா (ம.பி. குணா), டெல்லி முன்னாள் முதல்-மந்திரி ஷீலா தீட்சித் (டெல்லி - வடகிழக்கு டெல்லி) உள்ளிட்டவர்களும் இன்று தேர்தல் களத்தில் உள்ள முக்கிய தலைவர்கள் ஆவர். 59 தொகுதிகளிலும் நேற்று முன்தினம் மாலை 6 மணிக்கு பிரசாரம் முடிந்தது.

இன்று காலை 7 மணிக்கு ஓட்டுப்பதிவு தொடங்குகிறது. மாலை 6 மணிக்கு ஓட்டுப்பதிவு முடிகிறது. தேர்தல் நடக்கிற 7 மாநிலங்களில் அந்தந்த மாநில போலீஸ் படையுடன், மத்திய படைகளும் பாதுகாப்பு பணியில் ஈடுபடுத்தப்பட்டுள்ளன.

கோடை வெயில் வறுத்தெடுத்தாலும் ஓட்டுப்பதிவு விறுவிறுப்பாக நடைபெறும் என்ற எதிர்பார்ப்பு உள்ளது.

7-வது இறுதி கட்ட தேர்தல் 19-ந் தேதி 8 மாநிலங்களில் உள்ள 59 தொகுதிகளில் நடைபெறுகிறது. அத்துடன் பாராளுமன்ற தேர்தல் முடிவுக்கு வருகிறது.

23-ந் தேதி ஓட்டு எண்ணிக்கை நடைபெறுகிறது. 

ஈரானில் இன்று மதியம் 2.58 மணியளவில் திடீரென நிலநடுக்கம் ஏற்பட்டது. அதனால் அங்குள்ள கெர்மன்‌ஷனா நகரிலும் அதை சுற்றியுள்ள பகுதிகளும் அதிர்ந்தன. இதனால் பீதியடைந்த மக்கள் வீடுகளை விட்டு வெளியேறி தெருக்களில் தஞ்சம் புகுந்தனர். இந்த நிலநடுக்கம் 5.1 ரிக்டர் அளவில் பதிவாகியுள்ளது.
 
கெர்மான்ஷா மாகாணம் மலைகள் சூழ்ந்த பகுதி. 2016ம் ஆண்டு நவம்பரில் இங்கு 7.3 ரிக்டரில் நிலநடுக்கம் ஏற்பட்டது. அப்போது கெர்மான்ஷா நகரமும், அதைச் சுற்றியுள்ள கிராமங்களும் கடுமையாக பாதிக்கப்பட்டன. 530 பேர் பலியாகினர். ஆயிரக்கணக்கானோர் காயம் அடைந்தது நினைவிருக்கலாம். 

கால்பந்து கிளப் அணிகளுக்கான பிரஞ்சு கோப்பை இறுதிப் போட்டியில், பாரிஸ் செயிண்ட் ஜெர்மன் அணியை எதிர்த்து ரேன்னஸ் அணி விளையாடியது. அதில் ரேன்னஸ் அணி பெனால்டி ஹூட் அவுட் முறையில் 6-5 என்ற கோல் கணக்கில் வெற்றிபெற்றது. இதனையடுத்து பி.எஸ்.ஜி அணி வீரர்கள் ஓய்வறை திரும்பியபோது, ரேன்னஸ் அணி ரசிகர் ஒருவரை கால்பந்து வீரர் நெய்மர் தாக்கினார். இந்த விவகாரம் மிகப்பெரிய சர்ச்சையானது. இதன் காரணமாக கால்பந்து வீரர் நெய்மர் விளையாட மூன்று போட்டிகளுக்கு தடை விதிக்கப்பட்டு உள்ளதாக பிரஞ்சு கால்பந்து சம்மேளனத்தின் ஒழுங்கு நடவடிக்கை குழு அறிவித்து உள்ளது.

பக்கம் 12 / 2470
Top
We use cookies to improve our website. By continuing to use this website, you are giving consent to cookies being used. More details…