JoomlaLock.com All4Share.net

Background Video

Super User

Super User

Email: இம்மின்-அஞ்சல் முகவரி spambots இடமிருந்து பாதுகாக்கப்படுகிறது. இதைப் பார்ப்பதற்குத் தாங்கள் JavaScript-ஐ இயலுமைப்படுத்த வேண்டும்.
நீதியமைச்சர் விஜயதாச ராஜபக்ஷவும் விரைவில் கைது செய்யப்படலாம் என பாராளுமன்ற உறுப்பினர் விமல் வீரவன்ச தெரிவித்துள்ளார்.
advertisement

கொழும்பில் இன்று இடம்பெற்ற ஊடகவியலாளர் சந்திப்பில் கலந்துகொண்டு உரையாற்றிய அவர் இதனை தெரிவித்துள்ளார்.

இதன் போது தொடர்ந்தும் கருத்து தெரிவித்த அவர், ராஜபக்ஷ என்ற பெயரைக் கேட்டாள் பிரதமர் ரணில் விக்ரமசிங்க மற்றும் ஜனாதிபதி ஆகியோருக்கு பயம்.

இதன் காரணமாகவே முன்னாள் ஜனாதிபதி மஹிந்த ராஜபக்ஷவின் குடும்ப உறுப்பினர்கள் தற்போது கைது செய்யப்படுகின்றனர்.

பாராளுமன்ற உறுப்பினர் நாமல் ராஜபக்ஷ இன்று விடுதலை செய்யப்பட்டுள்ளார். எனினும், முன்னாள் அமைச்சர் பசில் ராஜபக்ஷ கைது செய்யப்பட்டுள்ளார்.

ராஜபக்ஷ என்ற பெயரைக்கொண்ட யாராவது சிறையில் தடுத்து வைக்கப்பட்டிருக்க வேண்டும். அப்போதுதான் பிரதமர் மற்றும் ஜனாதிபதிக்கு நல்ல நித்திரை வரும்.

இந்நிலையில் ராஜபக்ஷ என்ற பெயரைக்கொண்டுள்ள நீதியமைச்சர் விஜயதாச ராஜபக்ஷவும் விரைவில் கைது செய்யப்படலாம் என அவர் மேலும் தெரிவித்துள்ளார்.

செவ்வாய்க்கிழமை, 19 ஜூலை 2016 00:00

ஜாமீனில் வெளிவந்த ரவுடி வெட்டிக் கொலை

துரையில் ரவுடி ஒருவர் வெட்டிக் கொலை செய்யப்பட்ட சம்பவம் பெரும் பரபரப்பை ஏற்படுத்தியுள்ளது.

மதுரை ஜெய்ஹிந்த் புரத்தைச் சேர்ந்தவர் ரமேஷ் பாண்டி. ரவுடியான இவர் மீது காவல் நிலையங்களில் பல்வேறு வழக்குகள் உள்ளன. சிறையில் இருந்த ரமேஷ் பாண்டி, சில தினங்களுக்கு முன்னர் ஜாமீனில் வெளியே வந்துள்ளார். இந்நிலையில் நேற்று முன்தினம் அவர் மர்ம நபர்களால் வெட்டிக் கொலை செய்யப்பட்டார்.

இலங்கைக்கு விஜயம் செய்திருந்த அமெரிக்க பிரதிநிதி நிஷா பிஷ்வால் இலங்கையில் கண்டுள்ள பொருளாதார அபிவிருத்தியை நாமும் காணவேண்டும்.

அதற்கு நிஷா பிஷ்வாலின் மூக்கு கண்ணாடியை முதலில் பெற்றுக்கொள்ள வேண்டும் என பாராளுமன்ற உறுப்பினர் உதய கம்மன்பில தெரிவித்துள்ளார்.

கொழும்பில் இன்று இடம்பெற்ற செய்தியாளர் சந்திப்பில் கலந்துகொண்டு கருத்து தெரிவித்த அவர் இவ்வாறு குறிப்பிட்டுள்ளார்.

நாட்டின் வடக்கு மற்றும் கிழக்கு பகுதிகளை இந்தியா தனதாக்கிகொள்ள திட்டமிட்டுள்ள நிலையில் ஏனையப்பகுதிகளை அமெரிக்கா தனதாக்கி கொள்ள முயற்சித்துள்ளது.

இந்நிலையிலேயே, இலங்கை தற்போது அமெரிக்காவின் தோட்டமாக மாறியுள்ளதாக குறிப்பிட்டுள்ள அவர் அதன் கங்காணியாகவே ஜனாதிபதி செயற்படுவதாக குற்றம் சுமத்தியுள்ளார்.

கடந்த 20 மாதங்களில் தெற்கு மற்றும் மத்திய ஆசிய விவகாரங்களுக்கான அமெரிக்காவின் உதவி இராஜாங்க செயலாளர் நிஷா பிஷ்வால் இலங்கைக்கு 6 தடவைகள் விஜயம் மேற்கொண்டுள்ளார்.

நிஷா பிஷ்வால் இலங்கைக்கு விஜயம் மேற்கொண்டமையானது உள்நாட்டில் மாப்பிள்ளை தேடுவதற்கு அல்ல.

இலங்கை பொருளாதார ரீதியில் பாரிய முன்னேற்றம் கண்டுள்ளதாக நிஷா பிஷ்வால் தெரிவித்துள்ளார். எனினும், அது எமக்கு ஆச்சரியமளிப்பதாக இருக்கின்றது.

அவர் கண்ட பொருளாதார அபிவிருத்தியை நாங்களும் காண வேண்டும். அதற்கு நிஷா பிஷ்வாலின் மூக்கு கண்ணாடியை முதலில் பெற்றுக்கொள்ள வேண்டும்.

எனவே, நிஷா பிஷ்வால் அடுத்து இலங்கை விஜயம் மேற்கொள்ளும் போது அவரின் மூக்கு கண்ணாடியை பெற்று போட்டு பார்க்க வேண்டும் என அவர் மேலும் தெரிவித்துள்ளார்.

ஐசிசி டெஸ்ட் பவுலர்களுக்கான தரவரிசையில் இங்கிலாந்தின் ஜேம்ஸ் ஆண்டர்சனை பின்னுக்குத் தள்ளி பாகிஸ்தானின் லெக்ஸ்பின்னர் யாசிர் ஷா முதலிடம் பிடித்தார்.

சுமார் 11 ஆண்டுகளுக்குப் பிறகு லெக்ஸ்பின்னர் ஒருவர் ஐசிசி டெஸ்ட் தரவரிசையில் முதலிடம் பிடித்தது குறிப்பிடத்தக்கது. முன்னதாக ஷேன் வார்ன் முதலிடம் வகித்தார்.

லார்ட்ஸ் டெஸ்ட் போட்டியில் பாகிஸ்தான் வெற்றிக்குக் காரணமான யாசிர் ஷா 141 ரன்களுக்கு 10 விக்கெட்டுகளைக் கைப்பற்றினார். இதனையடுத்து முதலிடம் பிடித்தார். மேலும் 13 டெஸ்ட் போட்டிகளில் 86 விக்கெட்டுகளை யாசிர்ஷா இதுவரை வீழ்த்தியுள்ளார்.

100 விக்கெட்டுகளை விரைவில் இவர் வீழ்த்தினால், 1896-ம் ஆண்டு இங்கிலாந்து பவுலர் ஜார்ஜ் லோமான் 16 டெஸ்ட் போட்டிகளில் 100 விக்கெட்டுகளைக் கைப்பற்றிய அதிவேக 100 விக்கெட்டுகள் சாதனையை யாசிர் ஷா முறியடிக்க வாய்ப்பு ஏற்பட்டுள்ளது.

இந்தத் தொடருக்கு முன்பாக தரவரிசையில் 4-ம் இடத்தில் இருந்தார் யாசிர் ஷா.

 

 

பவுலர்கள் தரவரிசை: யாசிர் ஷா, அஸ்வின், ஜேம்ஸ் ஆண்டர்சன், ஸ்டூவர்ட் பிராட், டேல் ஸ்டெய்ன், ரவீந்திர ஜடேஜா, டிரெண்ட் போல்ட், ஜோஷ் ஹேசில்வுட், மோர்னி மோர்கெல், வெர்னன் பிலாண்டர்.

 

 

டெஸ்ட் பேட்டிங் தரவரிசை: ஸ்டீவ் ஸ்மித், கேன் வில்லியம்சன், ஹஷிம் ஆம்லா, ஜோ ரூட், ஏ.பி.டிவில்லியர்ஸ், ஆடம் வோஜஸ், யூனிஸ் கான், டேவிட் வார்னர், மிஸ்பா உல் ஹக், ஆஞ்சேலோ மேத்யூஸ்.

சேது சமுத்திர கால்வாய் திட்டத்துக்கு நிகழாண்டில் பணம் இல்லை என்று மத்திய சாலை, நெடுஞ்சாலை, கப்பல் போக்குவரத்துத் துறை இணை அமைச்சர் பொன். ராதாகிருஷ்ணன் தெரிவித்தார்.

இது தொடர்பாக பாஜக உறுப்பினர் சுப்பிரமணியன் சுவாமி எழுப்பியிருந்த கேள்விக்கு அமைச்சர் பொன். ராதாகிருஷ்ணன் மாநிலங்களவையில் திங்கள்கிழமை எழுத்துப்பூர்வமாக அளித்துள்ள பதில் விவரம் வருமாறு: சேது சமுத்திர கால்வாய் திட்டத்தை செயல்படுத்த 2013-14 ஆண்டில் ரூபாய் ஒரு கோடி ஒதுக்கப்பட்டது. 2014-15 ஆண்டில் ரூ. 50 லட்சம், 2015-16 ஆண்டில் ரூ. 5 கோடி என்ற வகையில் திட்டத்துக்கு நிதி ஒதுக்கப்பட்டது. ஆனால், நிகழ் நிதியாண்டில் பணம் ஒதுக்கப்படவில்லை என்று ராதாகிருஷ்ணன் கூறியுள்ளார்.

இதே விவகாரத்தில் ராமர் பாலத்தை சேதப்படுத்தாமல் சேதுக் கால்வாய் திட்டத்தை மாற்றியமைக்க ஏதேனும் முடிவு எடுக்கப்பட்டதா என்று சுப்பிரமணியன் சுவாமி மற்றொரு கேள்வி எழுப்பியிருந்தார்.

அதற்கு "இந்த விவகாரம் உச்ச நீதிமன்றத்தில் நிலுவையில் உள்ளது' என்று அமைச்சர் பொன். ராதாகிருஷ்ணன் கூறியுள்ளார்.

Top
We use cookies to improve our website. By continuing to use this website, you are giving consent to cookies being used. More details…