JoomlaLock.com All4Share.net

Background Video

Super User

Super User

Email: இம்மின்-அஞ்சல் முகவரி spambots இடமிருந்து பாதுகாக்கப்படுகிறது. இதைப் பார்ப்பதற்குத் தாங்கள் JavaScript-ஐ இயலுமைப்படுத்த வேண்டும்.

2016ம் ஆண்டிற்கான உலக அழகன் போட்டியில் இந்தியாவின் ரோஹித் கன்டெல்வால் பட்டம் வென்றார். இங்கிலாந்தின் சவுத்போர்ட் பகுதியில் நேற்று உலக அழகன் போட்டி நடந்தது. இதில் இந்தியாவின் ரோஹித் கன்டெல்வால் என்பவர் உலக அழகன் பட்டத்தை வென்றார். உலக அழகன் பட்டம் வெல்லும் முதல் இந்தியர் இவர் என்பது குறிப்பிடத்தக்கது. பட்டம் வென்ற பிறகு, ரோஹித் கன்டெல்வால் $50,000 ரொக்க பரிசையும் பெற்றார்.

உரிய வீசா அனுமதியில்லா 12000 வெளிநாட்டவர்கள் இலங்கையில் இருப்பதாக உள்விவகார மற்றும் வடமேல் மாகாண அபிவிருத்தி அமைச்சர் எஸ்.பி. நாவீன்ன கொழும்பு பத்திரிகையொன்றுக்குத் தெரிவித்துள்ளார்.

வீசா இன்றி சுமார் பன்னிரண்டாயிரத்திற்கும் மேற்பட்ட வெளிநாட்டவர்கள் இலங்கையில் சட்டவிரோதமாக முறையில் தங்கியிருக்கின்றனர்.

சீனா, பாகிஸ்தான் மற்றும் பங்களாதேஸ் பிரஜைகளே இவ்வாறு சட்டவிரோதமான முறையில் அதிகளவில் தங்கியிருக்கின்றார்கள்.

இவ்வாறு சட்டவிரோதமான முறையில் வெளிநாட்டவர்கள் தங்கியிருக்க அனுமதியில்லை.

இந்த அனைவரையும் கைது செய்து கூடிய விரைவில் நாடு கடத்த நடவடிக்கை எடுக்க்குமாறு அதிகாரிகளுக்கு பணிப்புரை விடுத்துள்ளேன்.

இந்த வெளிநாட்டவர்களில் அதிகமானவர்கள் சுற்றுலா வீசாக்களின் மூலம் இலங்கை வந்தவர்களாவர்.

வீசா காலம் பூர்த்தியானதன் பின்னா நாட்டில் பல்வேறு தொழில்களில் ஈடுபட்டு வருகின்றனர் என தகவல்கள் கிடைத்துள்ளதாகத் தெரிவித்துள்ளார்.

சர்வதேச அளவில் பள்ளி மாணவ-மாணவிகளுக்கு இடையே நடைபெறும் விளையாட்டு போட்டிகள் துருக்கியில் உள்ள டிராப்சோன் நகரில் கடந்த 11-ந் தேதியில் இருந்து 18-ந் தேதி வரை நடந்தது. இதில் தமிழ்நாடு பிரிவில் 10 பேர் உள்பட இந்தியாவில் இருந்து 149 பேர் கலந்து கொண்டனர்.

விளையாட்டு போட்டிகள் நடந்த சமயத்தில் துருக்கியில் ராணுவ புரட்சி ஏற்பட்டு குண்டுவெடிப்பு மற்றும் கலவரங்கள் நடந்தன. இதனால் சர்வதேச விளையாட்டு போட்டிகளுக்கு எந்த பாதிப்பும் ஏற்படவில்லை என்றாலும், இங்கு பெற்றோர்கள் தங்கள் பிள்ளைகள் குறித்து கவலை கொண்டனர். அவர்களது வேண்டுகோள்படி இந்திய வீரர்களை பாதுகாப்பாக தாயகத்திற்கு அழைத்துவர நடவடிக்கை எடுக்கப்பட்டது.


போட்டிகள் முடிந்ததும் இந்தியாவை சேர்ந்த 149 பேரும் நேற்று காலை துருக்கியில் இருந்து விமானம் மூலம் டெல்லி வந்தனர். பின்னர் அங்கிருந்து தமிழகத்தை சேர்ந்த தமிழ்செல்வி, பிரியதர்ஷினி, ஹேமமாலினி, சான்ட்ரா பெரோசா மார்ட்டின், அஷீத்குமார், நவீன், பூபேஷ்வர், மணிராஜ் ஆகிய 8 பேர் விமானம் மூலம் நேற்று மாலை சென்னை வந்தனர். மாணவி சமயஸ்ரீ கோவைக்கும், மற்றொரு மாணவி கொச்சிக்கும் சென்றனர்.

சென்னை விமான நிலையத்தில் தமிழக வீரர், வீராங்கனைகளுக்கு சிறப்பான வரவேற்பு அளிக்கப்பட்டது.

ஐரோப்பிய நாடுகளின் தேவைக்கு ஏற்றளவு, மீன்களை விநியோகிக்க முடியாத நிலையில் இருப்பதாக இலங்கை தெரிவித்துள்ளது.

ஐரோப்பிய நாடுகள் 1000 மெட்ரிக் தொன் மீன்களை கோரியுள்ளன. ஆனால் உள்ளூரில் மீன்களின் கையிருப்பு குறைவாக இருப்பதால், 200 மெட்ரிக் தொன் மீன்களே இதுவரை ஏற்றுமதி செய்யப்பட்டுள்ளன

அந்த நாடுகளின் தேவையை நிறைவு செய்ய முடியாதிருப்பதாக, இலங்கையின் கடற்றொழில் அமைச்சர் மகிந்த அமரவீர கவலை தெரிவித்துள்ளார்.

ஐரோப்பிய ஒன்றியத்தின் தடை நீக்கப்பட்ட பின்னர், 200 மெட்ரிக் தொன் மீன்கள் ஏற்றுமதி செய்யப்பட்டுள்ளன.

மீன் ஏற்றுமதி நிறுவனங்களால் 1000 மெட்ரிக் தொன் மீன்கள் கோரப்பட்ட போதும், அவர்களின் தேவையைப் பூர்த்தி செய்ய முடியாத நிலையில், அந்த நிறுவனங்களின் கேள்விப் பத்திரங்களை ரத்து செய்ய வேண்டிய இக்கட்டான நிலை ஏற்பட்டுள்ளது என்றும் அவர் தெரிவித்தார்.

ஊடகவியலாளர் பிரகித் எக்னெலிகொட காணாமல் போன வழக்கு தொடர்பில் புலனாய்வுப் பிரிவிடம் மீள விசாரணை நடத்த விடுத்த கோரிக்கையை நீதிமன்றம் நிராகரித்துள்ளது.

இந்த சம்பவம் தொடர்பில் இராணுவப் புலனாய்வுப் பிரிவு உத்தியோகத்தர்கள் கைது செய்யப்பட்டு தடுத்து வைக்கப்பட்டுள்ளனர்.

சம்பவம் தொடர்பில் கைது செய்யப்பட்ட இராணுவப் புலனாய்வு உத்தியோகத்தர்கள் ஒராண்டு காலமாக தடுத்து வைக்கப்பட்டுள்ளனர்.

இவ்வாறான ஓர் நிலையில் மீளவும் இவர்களிடம் விசாரணை நடத்த இரகசிய பொலிஸார் விடுத்த கோரிக்கையை ஹோமாகம நீதிமன்றம் நிராகரித்துள்ளது.

இராணுவப் புலனாய்வு உத்தியோகத்தர்களின் சார்பில் முன்னிலையான சட்டத்தரணிகளின் விளக்கத்திற்கு அமைய, இந்தக் கோரிக்கையை பதில் நீதவான் அபேரட்ன தெரிவித்துள்ளார்.

அடுத்த வழக்கு விசாரணை தினத்தின் போது நீதவான் ரங்க திஸாநாயக்கவிடம் இந்தக் கோரிக்கையை முன்வைக்குமாறு பதில் நீதவான் அறிவித்துள்ளார்.

சந்தேக நபர்கள் சிறைச்சாலை வைத்தியசாலையில் நீண்ட காலம் இருப்பதாகவும் இவர்களை அங்கிருந்து அகற்றி தனித்தனியாக சிறையில் தடுத்து வைக்குமாறு இரகசிய பொலிஸார் விடுத்த கோரிக்கையையும் பதில் நீதவான் நிராகரித்துள்ளார்.

Top
We use cookies to improve our website. By continuing to use this website, you are giving consent to cookies being used. More details…