JoomlaLock.com All4Share.net

Background Video

Super User

Super User

Email: இம்மின்-அஞ்சல் முகவரி spambots இடமிருந்து பாதுகாக்கப்படுகிறது. இதைப் பார்ப்பதற்குத் தாங்கள் JavaScript-ஐ இயலுமைப்படுத்த வேண்டும்.

தமிழ்நாடு காங்கிரஸ் கமிட்டி தலைவர் யார் என்று கட்சியின் மேலிடம் இன்று அறிவிக்கும் என எதிர்ப்பார்க்கப்படுகிறது. தமிழ்நாடு காங்கிரஸ் கமிட்டி தலைவர் பதவியில் இருந்து ஈ.வி.கே.எஸ்.இளங்கோவன் ராஜினாமா செய்ததை தொடர்ந்து புதிய தலைவரை தேர்வு செய்வது குறித்து கட்சியின் மேலிடம் ஆலோசித்து வருகிறது. திருநாவுக்கரசர், சுதர்சன நாச்சியப்பன், பீட்டர் அல்போன்ஸ், மாணிக் தாகூர், கோபிநாத், செல்லகுமார், ஜெயக்குமார், காங்கிரஸ் எம்.எல்.ஏ-க்கள் வசந்தகுமார், விஜயதாரணி ஆகியோரின் பெயர்கள் பரிசீலனையில் உள்ளன. தனித்தனியாக தலைமை இவர்களிடம் ஆலோனை நடத்தியுள்ளது. இன்று இறுதி கட்ட ஆலோசனை முடிந்தவுடன் தமிழ்நாடு காங்கிரஸ் கமிட்டிக்கு புதிய தலைவர் யார் என்று அறிவிக்கப்படும். இதனிடையே திருநாவுக்கரசரை தலைவராக நியமிக்க கூடாது என 39 மாவட்ட காங்கிரஸ் தலைவர்கள் கட்சி தலைவர் சோனியா காந்திக்கு கடிதம் எழுதியுள்ளதாக தகவல் வெளியாகியுள்ளது. ஆனால் இதை பல மாவட்ட தலைவர்கள் மறுத்துள்ளனர். அந்த கடிதத்தில் உள்ள கையெழுத்து எங்களுடையது இல்லை என்றும் கூறியுள்ளது குறிப்பிடத்தக்கது.

சண்டே லீடர் பத்திரிகையின் பிரதம ஆசிரியர் லசந்த விக்ரமதுங்க கொலை தொடர்பில் நான்கு முன்னாள் பொலிஸ் அதிகாரிகள் கைது செய்யப்பட உள்ளதாக பொலிஸ் தலைமையகத் தகவல்கள் தெரிவிக்கின்றன.

கொலை குறித்த விசாரணைகளை மூடி மறைத்தல், சாட்சி விசாரணைகளை மூடி மறைத்தல் உள்ளிட்ட சில குற்றச்சாட்டுக்களின் அடிப்படையில் பொலிஸ் திணைக்களத்தின் முன்னாள் மூன்று உயர் அதிகாரிகள் உள்ளிட்ட நான்கு அதிகாரிகள் கைது செய்யப்பட உள்ளனர்.

கைது செய்யப்பட உள்ளவர்களில் முன்னாள் சிரேஸ்ட பிரதிப் பொலிஸ் அத்தியட்சகர் மற்றும் முன்னாள் பிரதிப் பொலிஸ் அத்தியட்சகர் ஆகியோரும் உள்ளடங்குகின்றனர்.

லசந்த கொலை தொடர்பான விசாரணை அறிக்கைகளை மூடி மறைத்தல், இரகசிய தகவல்கள் அடங்கிய லசந்தவின் குறிப்புப் புத்தகத்தை தொலைத்தல் உள்ளிட்ட குற்றச்சாட்டுக்கள் இந்த முன்னாள் அதிகாரிகளுக்கு எதிராக சுமத்தப்பட்டுள்ளது.

லசந்த கொலை தொடர்பில் கைதான 17 சந்தேக நபர்களை பொலிஸ் பிணையில் விடுதலை செய்தமை குறித்தும் இவர்கள் மீது குற்றம் சுமத்தப்பட்டுள்ளது.

இந்த உயர் அதிகாரிகளிடம் ஏற்கனவே புலனாய்வுப் பிரிவினர் வாக்கு மூலங்களை பதிவு செய்து கொண்டுள்ளனர்.

குஜராத்தில் தலித் இளைஞர்கள் சரமாரியாக தாக்கப்பட்டதை கண்டித்து அம்மாநிலத்தின் பல பகுதிகளில் வன்முறை வெடித்துள்ளது. கடந்த 11-ம் தேதி குஜராத்தின் உணா பகுதியில் பசுந்தோலை கடத்தியதாக கூறி 4 இளைஞர்களை ஒரு கும்பல் கட்டி வைத்து தடியால் தாக்கியது. இந்த சம்பவம் நாடு முழுவதும் அதிர்வலைகளை ஏற்படுத்தியதை அடுத்து பாதிக்கப்பட்ட இளைஞர்களுக்கு ஆதரவாக அவர்கள் சார்ந்த தலித் இயக்கத்தினர் ஆர்பாட்டத்தில் ஈடுபட்டனர். அப்போது சிலர் தற்கொலைக்கு முயன்றதை அடுத்து போராட்டம் தீவிரமடைந்தது. அம்ரேலி, ராஜ்கோட் உள்ளிட்ட பகுதிகளில் பேருந்துகளுக்கு தீ வைக்கப்பட்டன. நேற்றும் போர்பந்தர், ஜாம்நகர், ஜுனாகட் உள்ளிட்ட பகுதிகளில் வன்முறை வெடித்தது. 12-க்கும் மேற்பட்ட வாகனங்கள் அடித்து நொறுக்கப்பட்டன. கல்வீச்சு சம்பவத்தில் காவலர் ஒருவரும், பூச்சி மருந்து கடித்த இளைஞர் ஒருவரும் உயிரிழந்துள்ளனர். இதனிடையே தலித் இயக்கத்தினர் கோண்டல், ஜுனாகட் பகுதியில் முழுஅடைப்பிற்கு அழைப்பு விடுத்துள்ளனர். பசு பாதுகாப்பு கும்பலால் தாக்கப்பட்டவர்களுக்கு மாநில அரசு ஏற்கனவே ரூ.4 லட்சம் வரை இழப்பீடு அறிவித்துள்ளது. இளைஞர்களை தாக்கியது தொடர்பாக 16 பேர் கைது செய்யப்பட்டுள்ளனர். பசு இயக்கத்தினரால் தாக்கப்பட்ட இளைஞர்கள் மற்றும் அவர்களது குடும்பத்தினரை மாநில முதல்வர் ஆனந்தி பென் மற்றும் காங்கிரஸ் துணைத் தலைவர் ராகுல் காந்தி ஆகியோர் இன்று தனித்தனியாக சந்திக்க உள்ளது குறிப்பிடத்தக்கது.

ஜனாதிபதி மைத்திரிபால சிறிசேனவுடனான சந்திப்பிற்கு கூட்டு எதிர்க்கட்சியின் உறுப்பினர்கள் எவருக்கும் அழைப்பு விடுக்கப்படவில்லை என முன்னாள் அமைச்சர் பந்துல குணவர்தன தெரிவித்துள்ளார்.

கொழும்பில் நேற்று நடைபெற்ற செய்தியாளர் சந்திப்பில் அவர் இதனைக் குறிப்பிட்டுள்ளார். அவர் மேலும் கூறுகையில்,

ஜனாதிபதியின் தலைமையில் ஸ்ரீலங்கா சுதந்திரக் கட்சியின் தொகுதி அமைப்பாளர் கூட்டமொன்று நடத்தப்பட்டது.

இந்தக் கூட்டத்திற்கு நான் உள்ளிட்ட கூட்டு எதிர்க்கட்சியில் அங்கம் வகித்து வரும், சுதந்திரக் கட்சியின் தொகுதி அமைப்பாளர்கள் அழைக்கப்படவில்லை.

ஐக்கிய தேசியக் கட்சிக்கு எதிரான சுதந்திரக் கட்சி உறுப்பினர்களை வேட்டையாடும் நோக்கில் தமக்கு அழைப்பு விடுக்கப்படவில்லை என்பது தெரிகின்றது.

இவ்வாறே எம்மை கட்சி கவனிக்கின்றது என அவர் தெரிவித்துள்ளார்.

இதேவேளை, குறித்த கூட்டத்திற்கு கூட்டு எதிர்க்கட்சியின் உறுப்பினர்களுக்கு அழைப்பு விடுக்கவில்லை என ஸ்ரீலங்கா சுதந்திரக் கட்சியின் பொதுச் செயலாளர் துமிந்த திஸாநாயக்க தெரிவித்துள்ளார்.

அண்ணா பல்கலைக்கழகம் பொறியியல் கல்விக்கான பொது கலந்தாய்வை கடந்த மாதம் 27–ந் தேதி தொடங்கியது. இந்த வருட கலந்தாய்வுக்கு 1 லட்சத்து 85 ஆயிரம் இடங்கள் வந்திருந்தன. நேற்றைய நிலவரப்படி கலந்தாய்வுக்கு மொத்தம் 1 லட்சத்து 14 ஆயிரத்து 782 மாணவ–மாணவிகள் அழைக்கப்பட்டனர். அவர்களில் 75 ஆயிரத்து 234 பேர் இடங்களை தேர்ந்து எடுத்தனர். கலந்தாய்வுக்கு 39,157 மாணவ–மாணவிகள் வரவில்லை.

மெக்கானிக்கல் பிரிவை 16,683 பேரும், எலக்ட்ரானிக்ஸ் கம்யூனிகேசன் பிரிவை 14,412 பேரும், கம்ப்யூட்டர் சயின்ஸ் பிரிவை 12,830 பேரும், எலக்ட்ரிகல் எலக்ட்ரானிக்ஸ் பிரிவை 8,431 பேரும் தேர்ந்து எடுத்துள்ளனர்.

பொறியியல் கலந்தாய்வில் ஆரம்பத்தில் 2–வது இடத்தில் இருந்த மெக்கானிக்கல் பிரிவு சில நாட்களுக்கு முன்னர் முதல் இடத்தை பிடித்தது.

இந்த வருடம் நடந்த மருத்துவ கலந்தாய்வில் மருத்துவ படிப்பில் சேர்ந்து படிக்க இடம் கிடைத்த 10 மாணவர்கள், அதை உதறி தள்ளிவிட்டு அண்ணா பல்கலைக்கழகம் நடத்திய பொறியியல் கலந்தாய்வில் கலந்துகொண்டு இடங்களை தேர்ந்து எடுத்துள்ளனர்.

பொறியியல் கலந்தாய்வில் கடந்த ஆண்டைவிட இந்த ஆண்டு குறைந்த மாணவர்களே இடங்களை தேர்ந்து எடுத்துள்ளனர். இப்போதைய நிலவரப்படி கடந்த ஆண்டைவிட 15 ஆயிரம் முதல் 18 ஆயிரம் பொறியியல் இடங்கள் குறையும் என கூறப்படுகிறது.

பொறியியல் பொது கலந்தாய்வு நாளையுடன் (வியாழக்கிழமை) முடிகிறது. தொழில்கல்வி மாணவர்களுக்கு கலந்தாய்வு 23–ந் தேதி தொடங்குகிறது. அன்று முதலில் மாற்றுத்திறனாளிகளுக்கும் பின்னர் இதர மாணவ–மாணவிகளுக்கும் நடக்கிறது. 24–ந் தேதி அந்த கலந்தாய்வு முடிகிறது.

Top
We use cookies to improve our website. By continuing to use this website, you are giving consent to cookies being used. More details…