JoomlaLock.com All4Share.net

Background Video

Super User

Super User

Email: இம்மின்-அஞ்சல் முகவரி spambots இடமிருந்து பாதுகாக்கப்படுகிறது. இதைப் பார்ப்பதற்குத் தாங்கள் JavaScript-ஐ இயலுமைப்படுத்த வேண்டும்.

பிரான்சில் தேவாலயத்தில் தாக்குதல் நடத்திய இளைஞர்கள் தொடர்பான வீடியோவை ஐஎஸ் அமைப்பு வெளியிட்டுள்ளது.

கடந்த சில தினங்களுக்கு முன்னர் பிரான்சில் தேவாலயம் ஒன்றில் தாக்குதல் நடத்திய தீவிரவாதிகள் இருவர் பாதிரியாரை கொன்றனர்.

அதன்பின் நடந்த சண்டையில் இவர்கள் இருவரையும் பொலிசார் சம்பவ இடத்திலேயே சுட்டுக் கொன்றனர், இதற்கு ஐஎஸ் அமைப்பு பொறுப்பேற்றது.

இந்நிலையில் பாதிரியாரை கொலை செய்த இருவரும், ஐஎஸ் தீவிரவாத இயக்கத்திற்கு விசுவாசமாக இருப்போம் என்ற வீடியோவை பதிவு செய்து அனுப்பியுள்ளனர்.

தற்போது அந்த வீடியோவை ஐஎஸ் அமைப்பு வெளியிட்டுள்ளது. எனினும் இந்த வீடியோ எப்போது, யாரால் எடுக்கப்பட்டது, உண்மையானது தானா என பொலிசார் ஆய்வு செய்யவில்லை.

மேலும் தாக்குதல் நடத்திய இருவரில் ஒருவரான கெர்மிசே(19), சிரியா சென்று ஐஎஸ் இயக்கத்தில் இணைய மூன்று முறை முயற்சித்ததாகவும் தகவல்கள் வெளியாகியுள்ளது.

இலங்கையில் விடுதலையான 77 தமிழக மீனவர்களை இந்திய கடலோர காவல்படையிடம் ஒப்படைத்தனர். சர்வதேச கடல் எல்லையில் மீனவர்களை இலங்கை கடற்படை ஒப்படைத்தது. 

கடந்த ஒரு மாதத்திற்கும் மேலாக காஷ்மீரில் வன்முறைகள் நடைபெற்று வருகிறது. ஹிஜ்புல் முஜாகிதீன் தீவிரவாதி புர்ஹான் வானி சுட்டுக் கொல்லப்பட்டதை தொடர்ந்து வன்முறை தலைவிரித்தாடி வருகிறது. அங்கு அமைதி திரும்ப மத்திய மற்றும் மாநில அரசுகள் போராடி வருகின்றன.

இதற்கிடையில் பாகிஸ்தான் பிரதமர் நவாஸ் செரீப், காஷ்மீர் மாநிலம், பாகிஸ்தானுடன் இணையும் நாளுக்காக காத்திருப்பதாக சொல்லியிருந்தார். அவரது பேச்சுக்கு இந்திய தலைவர்கள் மற்றும் காஷ்மீர் முதல்வர் எதிர்ப்பு தெரிவித்து இருந்தார்.

காஷ்மீரில் தலைதூக்கியுள்ள வன்முறைக்கு பாகிஸ்தானே காரணம் என்றும் இந்தியா மீதான தீவிரவாத நடவடிக்கைகளை நிறுத்தாத வரை பாகிஸ்தானுடன் பேச்சுவார்த்தை கிடையாது என தெரிவிக்கப்பட்டுள்ளது.இந்த நிலையில், அங்கு நடைபெற உள்ள சார்க் மாநாட்டில் மற்றும் உள்துறை அமைச்சர்கள் மாநாட்டில இந்தியாவின் சார்பாக உள்துறை அமைச்சர் ராஜ்நாத் சிங் பங்கேற்க உள்ளார். ஆகஸ்டு 3 மற்றும் 4 தேதிகளில் மாநாடு நடைபெறுகிறது.

இந்தியா பாகிஸ்தான் உறவில் சுமூக நிலை இல்லாத நேரத்தில் இஸ்லாமாபாத் மாநாட்டில் இந்தியா பங்கேற்பது குறித்து விரிவாக விவாதிக்கப்பட்டது.

தெற்காசிய நாடுகளின் கூட்டமைப்பில் இந்தியா முக்கிய அங்கம் வகிப்பதால் கண்டிப்பாக சார்க் மாநாட்டில் பங்கேற்பது என தீர்மானிக்கப்பட்டது.

பாகிஸ்தான் பயணத்தின் போது இருநாட்டின் உறவு குறித்தும் பேச அறிவுறுத்தப்பட்டுள்ளதாக தெரிகிறது.

கடந்த ஜனவரியில் பதான்கோட் விமான படைத்தளத்தில் தீவிரவாதிகள் தாக்குதல் நடத்திய பிறகு யாரும் பாகிஸ்தான் செல்லவில்லை. தற்போது சார்க் மாநாட்டிற்காக ராஜ்நாத் சிங் பாகிஸ்தான் செல்ல உள்ளது குறிப்பிடத்தக்கது.

சூப்பர் ஸ்டார் ரஜினிகாந்தை தமிழ் திரைப்பட தயாரிப்பாளர்களிடம் இருந்து காப்பாற்றி 66 வயதான அவரை முதியோர் இல்லத்தில் சேர்க்க வேண்டும் என்று. சென்னை வடபழனி நேதாஜி தெருவை சேர்ந்த கந்தசாமி, காவல்துறை ஆணையர் அலுவலகத்தில் இந்த மனுவை அளித்துள்ளார்.

அதில், நடிகர் ரஜினிகாந்த் நடிப்பில் வெளியான கபாலி படத்திற்கு பெரிய எதிர்பார்ப்பை உருவாக்கி, போலியான உந்துதலை ஏற்படுத்தி, படத்தை உடனே பார்க்க வேண்டும் என்ற ஆவலை தூண்டினார்கள். இதனால் சென்னை அசோக் நகரில் உள்ள காசி தியேட்டருக்கு சென்று ரூ.1200 கொடுத்து டிக்கெட் வாங்கி படம் பார்த்தேன்.

எதிர்பார்ப்பிற்கு மாறாக சரியான மொக்கை படமாக எடுத்து இயக்குனர் ரஞ்சித்தும், ரஜினியும் என்னை ஏமாற்றி விட்டார்கள். இதனால் மிகுந்த மன உளைச்சலில் உள்ளேன்.

மேலும், 66 வயது சீனியர் சிட்டிசனான ரஜினியை சண்டைக்காட்சிகளில் நடிக்க வைத்து தயாரிப்பாளரும், இயக்குனரும் சித்ரவதை செய்துள்ளனர்.

சீனியர் சிட்டிசன்களுக்கு தமிழக அரசு பல்வேறு உதவிகளை அளித்து வரும் நிலையில், தமிழக காவல்துறை தமிழ்த்திரைப்பட தயாரிப்பாளர்களிடம் இருந்து ரஜினியைக் காப்பாற்றி முதியோர் இல்லத்தில் சேர்த்து ஆதரவு தரும்படி கேட்டுக்கொள்கிறேன். என அவர் தனது புகார் மனுவில் கூறியுள்ளார்.

ஜெயலலிதா முன்னிலையில் நேற்று அதிமுகவில் மீண்டும் சேர்ந்த கருப்பசாமி பாண்டியன் திமுக தலைவர் கருணாநிதியை கடுமையாக சாடியுள்ளார்.

முன்னதாக அதிமுகவில் இருந்த கருப்பசாமி பாண்டியன் தலைமையுடன் ஏற்பட்ட மோதல் காரணமாக திமுகவிற்கு மாறினார்.

அங்கு அவருக்கு நெல்லை மாவட்ட செயலாளர் பதவி கொடுக்கப்பட்டது. பெண் ஒருவர் கருப்பசாமி பாண்டியன் மீது பரபரப்பு புகார் அளிக்க, அவரது மாவட்ட செயலாளர் பதவி பறிக்கப்பட்டது.

இந்நிலையில் நீண்ட நாட்களாக அதிமுகவில் சேர காத்திருந்த கருப்பசாமி பாண்டியன் அதிமுக பொதுச்செயலாளர் ஜெயலலிதா முன்னிலையில் அக்கட்சியில் நேற்று சேர்ந்தார்.

பின்னர் இது குறித்து கூறிய அவர், தான் இறுதிக்காலம் வரை அதிமுகவுக்கு விசுவாசமாக இருக்கப்போவதாகவும், அரசியலில் மறுபிறவி எடுத்திருக்கும் நான் மகிழ்ச்சியோடு ஊருக்கு செல்வதாக கூறினார்.

மேலும், திமுக தலைவர் கருணாநிதி மீது அடுக்கடுக்காக பல குற்றச்சாட்டுகளை வைத்தார். திமுகவை அழிக்க வேறு யாரும் தேவையில்லை. கருணாநிதி மட்டும்போதும். மாநில அளவில் கட்சி இரண்டாக இருக்க வேண்டும். மாவட்ட அளவில் மூன்றாக இருக்க வேண்டும் என்றுதான் அவர் விரும்புவார்.ஒரு மாவட்டத்தில் ஒரு தலைமையின் கீழ் இயங்கினால், இன்னொருவரைக் கொம்பு சீவி வளர்ப்பார்.

கலெக்டராக வேலை பார்த்த மாவட்டத்தில் தாசில்தாராக வேலை பார்க்க முடியாது என்று நான் பதவியில் இருந்து விலகிய போது கூறிய வார்த்தைகள் கருணாநிதிக்கு கடுமையான கோபத்தை ஏற்படுத்திவிட்டது.

கருணாநிதியின் வீட்டிற்கு ஒருமுறை போனபோது, என்ன வழி தவறி வந்துட்டியா? என்றார். என் மனதுக்குள் இருந்த வருத்தத்தை அடக்கிக் கொண்டிருந்தேன். விசுவாசத்தைச் செயலில் காட்டுங்கள் என்றார். விசுவாசத்திற்கே மரியாதை இல்லாதபோது, அங்கிருப்பதில் என்ன பயன் என்பதால் வெளியேறினேன் என கருப்பசாமி பாண்டியன் தனது ஆதங்கங்களை கொட்டினார்.

Top
We use cookies to improve our website. By continuing to use this website, you are giving consent to cookies being used. More details…