JoomlaLock.com All4Share.net

Background Video

Super User

Super User

Email: இம்மின்-அஞ்சல் முகவரி spambots இடமிருந்து பாதுகாக்கப்படுகிறது. இதைப் பார்ப்பதற்குத் தாங்கள் JavaScript-ஐ இயலுமைப்படுத்த வேண்டும்.

தமிழகத்தில் முதல் முறையாக, சுரங்கப் பாதையில் சென்னை கோயம்பேடு முதல் ஷெனாய் நகர் வரையிலான சுரங்க வழித்தடத்தில் மெட்ரோ ரயிலை இயக்கி மெட்ரோ ரயில் அதிகாரிகள் ஆய்வு நடத்தி உள்ளனர்.ஒரு ரயில் பெட்டியுடன் 5 கிலோ மீட்டர் தூரத்துக்கு, கோயம்பேட்டில் இருந்து திருமங்கலம், அண்ணாநகர், ரவுண்டானா வழியாக ஷெனாய் நகருக்கு மெட்ரோ ரயிலை அதிகாரிகள் இயக்கி ஆய்வு நடத்தினர்.

சென்னையில் போக்குவரத்து நெரிசலை குறைப்பதற்காக 2 வழித்தடங்களில் மெட்ரோ ரயில் திட்டம் அமைக்கப்பட்டு வந்தது.இதில், முதல் கட்டமாக கோயம்பேட்டில் இருந்து ஆலந்தூர் வரையிலான மெட்ரோ ரயிலுக்கான பாதைகள் போடப்பட்டு, இந்த வழித்தடத்தில் கடந்த ஆண்டு ஜூன் 29 ம் தேதி முதல் மெட்ரோ ரயில் சேவை தொடங்கியது.

உள்ளாட்சித் தேர்தலிலும் வெற்றிபெற ஆளும்கட்சியினர் சதி திட்டம் தீட்டுவார்கள். இந்த சதியை நாம் இணைந்து முறியடிக்க வேண்டும் என்று திமுக பொருளாளர் மு.க.ஸ்டாலின் கூறியுள்ளார். அடுத்தடுத்து தி.மு.க.வில் இணைய பிற கட்சியினர் தேதி கேட்கிறார்கள். ஆனால், அவர்களுக்கு தேதி தர முடியாதபடி திணற வேண்டி இருக்கிறது என்றும் கூறியுள்ளார் ஸ்டாலின்.

சட்டசபை தேர்தலுக்கு முன்னர் கூட்டணிக்கு வராத கட்சிகளை கரைக்க துவங்கிய 'ஆபரேசன் ஸ்டாலின்' இன்னும் திமுகவில் முடிந்த பாடில்லை. தேர்தலில் திமுக தோற்று எதிர்கட்சி அந்தஸ்தில் இருந்தாலும் தி.மு.க.வில் இணையும் விழாக்கள் தொடர்ந்து வருகிறது. பெரும்பாலானோர் ஸ்டாலின் முன்னிலையில் தி.மு.க.வில் இணைந்து வருகின்றனர்.

மேற்கு மண்டலத்தில் இருந்து ஏராளமானோர் திமுகவினர் இணைந்து வருகின்றனர். கோவைக்கு நேற்று மாலை வந்த மு.க.ஸ்டாலின் முன்னிலையில், கோவை மாவட்ட தேமுதிக அவைத்தலைவர் எஸ்.எம்.எஸ்.தங்கவேல், மாவட்ட துணை செயலாளர் ராஜா, மாநகராட்சி மதிமுக கவுன்சிலர் ராஜேந்திரன், மதிமுக குனிசை பகுதி செயலாளர் செந்தில்குமார், த.மா.கா மாநில செயலாளர் குல்பி தங்கராஜ் ஆகியோர் உள்பட 250 பேர் அந்தந்த கட்சிகளில் இருந்து விலகி, திமுகவில் இணைந்தனர். இந்த விழாவில் பேசிய அவர், தமிழகத்தில் இன்றைய காலக்கட்டத்தில் திமுக ஆட்சி பொறுப்பில் இல்லை. ஆனால், ஆட்சிப்பொறுப்பில் இருப்பவர்களை தட்டிக்கேட்கும் நிலையில் உள்ளது என்றார்.

 

அதிமுக ஆட்சி பொறுப்பேற்ற 2 மாதத்தில் கொலை, கொள்ளை, கற்பழிப்பு அன்றாடம் நடக்கிறது. விரைவில் உள்ளாட்சி தேர்தல் வர உள்ளது. இந்த தேர்தலிலும் வெற்றிபெற ஆளும்கட்சியினர் சதி திட்டம் தீட்டுவார்கள். இந்த சதியை நாம் இணைந்து முறியடிக்க வேண்டும்.தமிழகத்தில் தி.மு.க ஆட்சியில் இல்லை. அவ்வளவு தான். சட்டமன்றத்தில் 89 எம்.எல்.ஏ.க்களுடன் பலம் வாய்ந்த எதிர்கட்சியாக தி.மு.க உள்ளது. ஆட்சி செய்யும் இடத்தில் இல்லாவிட்டாலும், ஆட்சி செய்பவர்களை தட்டிக்கேட்கும் இடத்தில் தி.மு.க உள்ளது.தி.மு.க தேர்தல் களத்தில் பலமுறை வென்றுள்ளது. பலமுறை தோற்றுள்ளது. வெற்றியால் வெறி கொண்டு அலைந்ததும் இல்லை. தோல்வியால் துவண்டதும் இல்லை. தி.மு.க தேர்தலுக்கான இயக்கம் அல்ல. மக்களுக்கான இயக்கம்.

தி.மு.க இன்று ஆட்சியில் இல்லை. ஆனாலும், திமுகவை நாடி தினமும் ஏராளமானோர் வருகின்றனர். அடுத்தடுத்து தி.மு.க.வில் இணைய பிற கட்சியினர் தேதி கேட்கிறார்கள். ஆனால், அவர்களுக்கு தேதி தர முடியாதபடி திணற வேண்டியுள்ளது. அடுத்தடுத்து, பிறகட்சியினர் தி.மு.க.வில் இணையும் விழாக்கள் தினமும் நடக்கிறது.வழக்கமாக ஆளுங்கட்சியில் சென்று தான் பிற கட்சியினர் இணைவார்கள். ஆனால், தி.மு.க.வில் இணைய காரணம். தி.மு.க மீதுள்ள நம்பிக்கை தான் என்றார் ஸ்டாலின். திருப்பூர், வெள்ளகோவிலில் மாற்று கட்சியினர் இன்று இணைகின்றனர். இதன் தொடர்ச்சியாக 17ம் தேதி சேலத்தில் மக்கள் தே.மு.தி.க.வை கலைத்து தி.மு.க.வில் இணையும் விழா ஸ்டாலின் தலைமையில் நடக்கிறது. தமிழகம் முழுவதும் பிற கட்சியினரை இணைக்கும் விழாக்கள் இனி தொடர்ந்து நடைபெறும்.

'கடந்த 2015 ம் ஆண்டு நடந்த டி20 கிரிக்கெட் தொடரில், பாகிஸ்தான் அணி இந்தியாவை வீழ்த்தினால் நிர்வாணமாக ஓடுவேன்' என்று அறிவித்திருந்த பாகிஸ்தான் மாடல் அழகி குவான்டில் பலோச், அவரது சகோதரராலேயே கொலை செய்யப்பட்டுள்ளார்.பாகிஸ்தானை சேர்ந்த குவான்டில் பலோச், கடந்த டி20 உலகக் கோப்பை போட்டியின்போது இத்தகைய அறிவிப்பை வெளியிட்டிருந்தார். அதுமட்டுமல்லாது, இணையங்களிலும் தனது கவர்ச்சி புகைப்படங்களை வெளியிடுவதை வழக்கமாக கொண்டிருந்தார்.

அண்மையில் இம்ரான்கான் கட்சியை சேர்ந்தவரும், மத குருவுமான முஃப்தி அப்துல் குவாய் என்பவருடன் செல்ஃபி எடுத்து, அதனை ஃபேஸ்புக்கில் பதிவிட்டிருந்தார். இந்த புகைப்படங்கள் கடும் சர்ச்சையை ஏற்படுத்தியிருந்தன. இதனைத் தொடர்ந்து முஃப்தி அப்துல் குவாய் மத நடவடிக்கைகளில் ஈடுபடத் தடை விதிக்கப்பட்டது. இந்த நிலையில் இன்று குவான்டில், முல்தானில் உள்ள அவரது வீட்டில் கொலை செய்யப்பட்டுக் கிடந்தார். குவான்டிலை அவரது சகோதரரே கொலை செய்துள்ளதாக பாகிஸ்தான் போலீஸ் அறிவித்துள்ளது. ஆனால் அவர் இன்னும் கைது செய்யப்படவில்லை. குவான்டிலுக்கு 17 வயதிலேயே அவரது பெற்றோர் திருமணம் செய்து வைத்தனர். ஒரு வருடத்திலேயே அந்த பந்தம் முறிவுக்கு வந்தது. தினம் தினம் தன்னை கணவர் சித்ரவதை செய்ததாக குவான்டில் கூறியது உண்டு. அவருடன் குடும்பம் நடத்த முடியாமல், குழந்தையுடன் தாருல் அமானில் போய் அகதியாக வாழ்க்கை நடத்தி வந்தார். பின்னர் தாய்நாடு திரும்பிய குவான்டில், அடிக்கடி சர்ச்சைக்குரிய படங்களை வெளியிட்டு வந்தார்.

எஸ்ஆர்எம் குழுமம் பற்றி அவதூறான செய்திகளைப் பரப்பி வரும் சன் குழுமம், ஏர்செல் - மேக்சிஸ் ஊழல், பிஎஸ்என்எல் முறைகேடு செய்திகளையும் வெளியிடுமா என்று எஸ்.ஆர்.எம். குழுமத் தலைவர் பாரிவேந்தர் கேள்வி எழுப்பியுள்ளார்.

இது குறுத்து அவர் வெளியிட்டுள்ள அறிக்கையில் தெரிவித்திருப்பதாவது:

"நாங்கள் நடத்தி வருகின்ற இந்திய ஜனநாயகக் கட்சியின் வளர்ச்சி மற்றும் செயல்பாடுகளை முடக்க வேண்டும் என்ற எண்ணத்தோடு, அவர்களே (சன் குழுமத்தினர்) ஏற்படுத்திக் கொண்ட பொறாமை மற்றும் பகை உணர்ச்சி காரணமாக இந்திய ஜனநாயகக் கட்சி மற்றும் எஸ்ஆர்எம் குழுமம் சார்ந்த குடும்ப உறுப்பினர்கள் மீது சேறு பூசும் நிகழ்வை தொடர்ந்து சிலருடைய தூண்டுதல் மற்றும் பின்னணியில் சன் குழுமம் செயல்படுத்தி வருகிறது.

இந்த வகையில், ஆதிதிராவிடர்களுக்குச் சொந்தமான பஞ்சமி நிலம் உள்பட 371 கோடி ரூபாய் மதிப்பிலான நிலத்தை எஸ்ஆர்எம் குழுமம் ஆக்கிரமித்துள்ளதாக, வெளியாகியுள்ள செய்தியில் துளியளவும் உண்மையில்லை.

குறிப்பாக, எஸ்ஆர்எம் குறித்து சன் குழுமத்தில் வெளியாகும் செய்திகளில் ஒரு வழக்கு மேற்கோள் காட்டப்படுகிறது. ஆனால், அடிப்படையில் இந்த வழக்கே ஒரு பொய்யான வழக்காகும்.

இந்த வழக்கில் நிலம் அபகரிக்கப்பட்டுள்ளதா? என்று கேட்டு அரசுத் துறைகள் பதில் மனு தாக்கல் செய்யவும், எஸ்ஆர்எம் குழுமம் பதில் தரவும் வாய்ப்பளிக்கப்பட்டு வழக்கும் செப்டம்பர் மாதத்திற்கு ஒத்திவைக்கப்பட்டுள்ள சூழலில், எவ்வித ஆதாரமுமின்றி சன் குழுமம் ஓர் இணை விசாரணையை நடத்தி வருகிறது.

371 கோடி ரூபாய் மதிப்பிலான 37 ஏக்கர் ஆக்கிரமிப்பு என்று செய்தி வெளியிடப்படுகிறது. ஆனால், அந்த 37 ஏக்கரில் 29 ஏக்கர் நிலம் பொதுமக்கள் பயன்படுத்தும் பொது ஏரியாகும்.

இந்தப் பகுதியின் நிலத்தடி நீர் தேவையை உணர்ந்து, பல கோடி ரூபாய் செலவில் அதன் கொள்ளளவைவிட இரு மடங்கு ஏரியை ஆழப்படுத்தியும், கரைகளை பலப்படுத்தியும் மக்கள் சென்றுவரும் நடைபாதையும் முறையான அனுமதியை மாவட்ட ஆட்சியரிடம் பெற்று உருவாக்கப்பட்டுள்ளது.

இதற்கு இந்தப் பகுதி கிராம மக்களே சாட்சி என்றும் மேலும், காட்டாங்குளத்தூர் வழியாக செல்லும் யாரும் அதனை பார்க்க முடியும்.

இது தவிர மீதமுள்ள எட்டு ஏக்கர் நிலம் தொடர்பாக தகுந்த ஆவணங்கள் எங்கள் குழுமத்திடம் உள்ளன என்றும் அரசிடம் முறையாகக் குத்தகைத் தொகை இன்றளவிலும் செலுத்தப்பட்டு, ரசீதுகள் பெறப்பட்டுள்ளன.

இந்த நிலையில், எந்தவிதமான வழிகாட்டு நெறிமுறைகளையும் கருத்தில் கொள்ளாமல், 371 கோடி ரூபாய் முறைகேடு என்று தொடுக்கப்பட்டுள்ள வழக்கும், அது சார்ந்த செய்தியும் அடிப்படையற்றது.

சட்டப்படியாக பதில் மனு தாக்கல் செய்து இந்த வழக்கைச் சந்திக்க எஸ்ஆர்எம் குழுமம் தயாராகவே உள்ளது.

நீதிமன்றத்தில் வழக்கு நிலுவையில் இருக்கிறபொழுது, ஒருதலைப்பட்சமாக, ஒருசாராரின் கருத்தை மட்டுமே, ஒளிபரப்புவது என்பது இயற்கை நியதி மற்றும் ஊடக தர்மத்திற்கு முரணானது.

இதேபோல், திருச்சியில் உள்ள எஸ்ஆர்எம் குழுமத்தின் மருத்துவ கல்லூரி, அனுமதியின்றி இயங்கி வருவதாக ஒரு செய்தி வெளியிடப்பட்டுள்ளது. நல்ல முறையில் தொடர்ந்து இயங்கி வரும் ஒரு கல்லூரியை அங்கீகாரமற்றது என்று குறிப்பிடுவது விஷமத்தனமானது.

மேலும், சிபிஐ அதிகாரிகள் இங்கு வந்ததாக சொல்வதிலும் உண்மையில்லை என்றும் கல்லூரியின் அங்கீகாரம் குறித்த அதிகாரப்பூர்வ தகவல்களை இந்திய மருத்துவக் கழகத்தினுடைய இணைய தளத்தில் (எம்.சி.ஐ.) யார் வேண்டுமானாலும் பார்த்துக் கொள்ளலாம்.

இதேபோல், வருமான வரி சோதனை என்பது, எல்லா பெரிய நிறுவனங்களிலும் நடைபெறும் ஒன்றுதான் என்றும் எஸ்ஆர்எம் குழுமத்திலும் இரு ஆண்டுகளுக்கு முன் வருமான வரித் துறை சோதனை நடைபெற்றாலும் முறையான ஆவணங்களின் அடிப்படையில் எவ்வித முறைகேடும் நடைபெறவில்லை என்று துறை சார்ந்த அதிகாரிகளே முடிவு செய்தார்கள்." இவ்வாறு தனது அறிக்கையில் பாரிவேந்தர் தெரிவித்துள்ளார்.

எஸ்ஆர்எம் கல்லூரி குழுமம் சார்ந்து சிபிஐ விசாரணை எதுவும் நடைபெறவில்லை என்பதுவும் வழக்கு எதுவும் பதிவு செய்யப்படவில்லை என்பதும்தான் உண்மை.

மேலும், பா.ம.க. நிறுவனர் ராமதாஸ், குற்றம் சாட்டியதாகவும், அதுதொடர்பாக நடவடிக்கை எடுக்க வேண்டும் என்றும் அவர் கூறியிருப்பதையும் வெளியிட்ட சன் குழுமம், அதைத் தொடர்ந்து, பதிலாக நாங்கள் கொடுத்த விளக்க அறிக்கையை ஏன் வெளியிடவில்லை?

மேலும், வன்னியர் அறக்கட்டளை தொடர்பாகவும், அவரது மகள் ஆக்கிரமிப்பு செய்த நிலம் தொடர்பாகவும் கொடுக்கப்பட்ட புகார்கள் பற்றிய செய்திகளை சன் குழுமம் எந்த ஆரோக்கிய அரசியலின் அடிப்படையில் வெளியிடவில்லை என்று தெரிவிக்க வேண்டும்.

மதன் வழக்கில், புலனாய்வு நடைபெற்று வரும் நிலையில் அதற்கு, எங்கள் குழுமத் தரப்பில் முழுமையான ஒத்துழைப்பு வழங்கப்பட்டு வரும் நிலையில் தான்தோன்றித்தனமாக குற்றச்சாட்டுகளைச் செய்திகளாக வெளியிடுவது சன் குழுமத்தின் பத்திரிகை தர்மத்தை வெளிச்சம் போட்டு காட்டுகிறது.

மதன் அனுப்பியதாகச் சொல்லப்படும் தற்கொலைக் குறிப்பில் இல்லாத ஒரு செய்தியை, அவர் ஏதோ தான் வசூலித்த பணத்தை, எங்களது குழுமத் தலைவர் ரவி பச்சமுத்துவிடம் கொடுத்ததாகக் கூறியுள்ளார் என்று இட்டுக்கட்டிய செய்தியை சன் குழுமம் தொடர்ந்து ஒளிபரப்பும் உள்நோக்கம் என்ன என்பதையும் தெரிவிக்க வேண்டும்.

இதேபோல, நில ஆக்கிரமிப்பு தொடர்பாக, அவர் மீது தொடுக்கப்பட்டுள்ள பொய்ப் புகார், முழுக்க முழுக்க ஒரு சிவில் வழக்கு என்றும் உண்மை நிலவரங்கள் இப்படி இருக்க, சன் குழுமம் தொடர்ந்து பொய் பிரச்சாரத்தில் ஈடுபட்டு வருவதன் நோக்கத்தை அற உணர்வுள்ள மக்கள் உணர்ந்து கொள்வார்கள்.

மேலும், இந்தத் தருணத்தில், சன் குழும ஊடகங்களிடம் மேலும் சில செய்திகளை ஒளிபரப்பித் தர வேண்டும்.

ஏர்செல் - மேக்சிஸ் வழக்கில் கைது நடவடிக்கைக்கு பயந்து, முன்ஜாமீன் கேட்டு நீதிமன்ற படிகளில் காத்திருக்கும் கலாநிதி, தயாநிதி, ஆகியோர் பற்றிய செய்திகளைப் புலனாய்வு செய்து வெளியிட வேண்டும்.

தொழிலதிபர் சிவசங்கரனை மிரட்டி, ஏர்செல் நிறுவனத்தின் பங்குகளை மேக்சிஸுக்கு விற்கச் சொல்லி வற்புறுத்தியதும் அதன் பின்னணியையும் ஒளிபரப்பு செய்ய வேண்டும்.

ஒரு தொலைபேசி எண்ணைக் கொண்டு, 323 இணைப்புகள் எப்படி பெறப்பட்டன, அதனால் அரசுக்கு ஏற்பட்டதாகக் கூறப்படும் 440 கோடி ரூபாய் இழப்புக்கு என்ன பதில் என்ற சிதம்பர ரகசியத்தையும் சன் குழும புலனாய்வு குழு வெளியிட வேண்டும்.

சாதாரண ஆசிரியராக இருந்து கடும் உழைப்பால் உயர்ந்த என் மீதும், என் குடும்பத்தினர் மீதும் எங்கள் உழைப்பின் மீதும் சந்தேகங்களை எழுப்பும் சன் குழுமத்தை நோக்கி ஒரே ஒரு கேள்வி எழுப்ப விரும்புகிறேன்.

மறைந்த முரசொலி மாறன் சென்னைக்கு வரும்போது அவரின் சொத்து மதிப்பு என்ன? தற்போது சன் குழுமத்தின் சொத்து மதிப்பு என்ன? எப்படி அது பல்லாயிரம் கோடியாக உயர்ந்தது என்பது குறித்து வெள்ளை அறிக்கை வெளியிட சன் குழுமம் தயாரா?

மேலும் பலமுறை விளக்கமளித்தும், தொடர்ச்சியாக எஸ்ஆர்எம் குழுமத்தின் மீது அவதூறு செய்திகளை ஒளிபரப்பியும், பிரசுரித்தும் வரும் சன் குழுமத்தின் மீது சட்ட ரீதியான நடவடிக்கைகள் எடுக்க தயங்க மாட்டோம்."

பாகிஸ்தானுக்கு எதிரான லார்ட்ஸ் டெஸ்டில் அசத்திய இங்கிலாந்து கேப்டன் அலெஸ்டர் குக், அதிக ரன்கள் குவித்த துவக்க வீரர்கள் பட்டியலில் முதலிடம் பிடித்து, ஜாம்பவான் கவாஸ்கர் சாதனையை முறியடித்தார். பாகிஸ்தானின் யாசிர் ஷா 5 விக்கெட் வீழ்த்தி மிரட்டினார்.

இங்கிலாந்து, பாகிஸ்தான் அணிகள் மோதும் முதல் டெஸ்ட் லண்டன் லார்ட்ஸ் மைதானத்தில் நடக்கிறது. கடந்த 2010 லார்ட்ஸ் டெஸ்டில் 'பிக்சிங்' செய்து சிறை சென்ற முகமது ஆமிர், 6 ஆண்டுக்குப் பின் மீண்டும் அதே மைதானத்தில் பங்கேற்பதால் எதிர்பார்ப்பு எகிறியது.

முதல் நாள் ஆட்டத்தில் சதம் அடித்த பாகிஸ்தானின் மிஸ்பா, அதிக வயதில் (42 வயது, 47 நாட்கள்) டெஸ்ட் சதம் அடித்த கேப்டன் என்ற பெருமை பெற்றார். தவிர, 1934க்குப் பின் (ஹென்டிரன், 45, இங்கிலாந்து) அதிக வயதில் சதம் அடித்த வீரர் ஆனார்.

முதல் நாள் ஆட்ட முடிவில் முதல் இன்னிங்சில் பாகிஸ்தான் அணி 6 விக்கெட்டுக்கு 282 ரன்கள் எடுத்திருந்தது. மிஸ்பா (110) அவுட்டாகாமல் இருந்தார்.

நேற்று 2வது நாள் ஆட்டம் நடந்தது. சர்பராஸ் (25), வகாப் ரியாஸ் (0), மிஸ்பா (114) என, சீரான இடைவெளியில் அவுட்டாகினர். முகமது ஆமிர் 12 ரன் எடுத்தார். பாகிஸ்தான் அணி முதல் இன்னிங்சில் 339 ரன்னுக்கு ஆல் அவுட்டானாது.

யாசிர் அபாரம்:

அடுத்து களமிறங்கிய இங்கிலாந்து அணியின் ஹேல்ஸ் (6) அவுட்டான பின், யாசிர் ஷா 'சுழலில்' பெரும் தொல்லை தந்தார். இவரிடம் ஜோ ரூட் (48), வின்ஸ் (16), பேலன்ஸ் (6), பேர்ஸ்டோவ் (29) என, வரிசையாக சிக்கினர். அரைசதம் அடித்த குக் (81), முகமது ஆமிரிடம் வீழ்ந்தார். தொடர்ந்து அசத்திய யாசிர் ஷா, மொயீன் அலியை (23) அவுட்டாக்கினார். ஆட்ட நேர முடிவில், இங்கிலாந்து அணி முதல் இன்னிங்சில் 7 விக்கெட்டுக்கு 253 ரன்கள் எடுத்து, 86 ரன்கள் பின்தங்கியிருந்தது. வோக்ஸ் (31), பிராட் (11) அவுட்டாகாமல் இருந்தனர். பாகிஸ்தான் அணி சார்பில் அதிகபட்சமாக யாசிர் ஷா 5 விக்கெட் வீழ்த்தினார்.

கவாஸ்கரை முந்திய குக்

இப்போட்டியில் ஆமிர் பந்தை பவுண்டரிக்கு விரட்டிய இங்கிலாந்து கேப்டன் குக், டெஸ்ட் அரங்கில் துவக்க வீரராக களமிறங்கி அதிக ரன்கள் (219 இன்னிங்ஸ், 9630 ரன்) எடுத்த வீரர்கள் பட்டியலில் இந்திய ஜாம்பவான் கவாஸ்கரை (203 இன்னிங்ஸ், 9607 ரன்) முந்தி முதலிடம் பிடித்தார். இப்பட்டியலில் அடுத்த மூன்று இடங்கள் முறையே தென் ஆப்ரிக்காவின் கிரீம் ஸ்மித் (9030), ஆஸ்திரேலியாவின் ஹைடன் (8625), இந்தியாவின் சேவாக் (8207) உள்ளனர்.

யாசிர் ஷா அசத்தல்

அபாரமாக செயல்பட்ட யாசிர் ஷா, லார்ட்சில் நடந்த டெஸ்டில் 49 ஆண்டுகளுக்குப்பின் முதல் இன்னிங்சில் 5 விக்கெட் வீழ்த்திய 'லெக் ஸ்பின்னர்' என்ற பெருமை பெற்றார். இதற்கு முன், 1967ல் இங்கிலாந்துக்கு எதிராக இந்தியாவின் 'சுழல்' வீரர் பகவத் சந்திரசேகர் 5 விக்கெட் வீழ்த்தியிருந்தார்.

Top
We use cookies to improve our website. By continuing to use this website, you are giving consent to cookies being used. More details…